Miniflebektomiya – Varikoz damarların müalicə üsulu

Fleboloqlar, ümumiyyətlə, aşağı ətrafın varikoz xəstəliyinin inkişaf mərhələlərində Miniflebektomiya üsulunu təklif edirlər. Miniflebektomiya varikoz genişlənmiş damarların müalicəsi üçün minimal invaziv müalicə metodu sayılır. Əməliyyat zamanı fleboloq genişlənmiş damarları aradan qaldırır. Bu tip minimal invaziv əməliyyatlardan qorxmaq gərəksizdir. Orta hesabla bu prosedurun müddəti 20-25 dəqiqə çəkir. Miniflebektomiya lokal anesteziya altında aparılır.

Miniflebektomiya üsulunun üstünlükləri

Ümumiyyətlə, varikoz genişlənmiş damarların qan dövranı sistemindən çıxarılmasının başqa bir cərrahi üsulu da vardır. Bu cərrahi üsul Klassik Flebektomiya adlandırılır. Klassik Flebektomiya ümumi anesteziya altında həyata keçirilir. Lakin miniflebektomiya daha tez-tez istifadə edilən əsas üsullardan biridir. Bundan əlavə, klassik üsulla dərini kəsmək lazım gəlir ki, bu təsir nəticəsində dəri üzərində yara izləri qalır. Miniflebektomiya ilə patoloji genişlənmiş damarlar kiçik piqmentlər vasitəsilə çıxarılır. Bu üsul genişlənmiş damarlardan xilas olmağa və əməliyyatdan sonra heç bir yara izinin dəri üzərində qalmamasına imkan verir.

Miniflebektomiya proseduru keçirilməzdən əvvəl damarların müayinəsi vacibdir. Bu zaman Rəngli Dopplerdən istifadə edilir. Bu üsul patoloji damarların yerini təyin etməkdə və onların diametrini düzgün müəyyən etməkdə yardımçı olur. Fleboloq dəri üzərində varikoz damarların yerini qeyd etmək üçün markerdən istifadə edir.

Əməliyyatdan bir neçə gün əvvəl əməliyyat öncəsi (10 gündən gec olmayaraq) bəzi analizlər aparılmalıdır. Belə geniş müayinə əməliyyatın ağırlaşma riskini azalda bilər.

Əməliyyatdan sonra hansı fəsadlar görülə bilər?

Müalicədən sonra əməliyyatın fəsadları ağrı və iltihab ola bilər. Bədənin belə formada olan xüsusiyyətləri heç bir müalicə tələb etmir. Onların görünüşü kapilyar damarların və sinirlərin zədələnməsi ilə əlaqədardır. Vaxt keçdikcə ayaqlarda ağrı və ağırlıq keçib gedir. Bundan başqa, bəzən pasiyentlərdə qusma əlaməti də görünür. Hər hansı digər əməliyyat kimi Miniflebektomiya antiseptik qaydalara riayət etməyi tələb edir. Bu qaydalar pozulursa, yoluxucu infeksiya fəsadları da inkişaf edə bilər.

Pasiyent Miniflebektomiyadan sonra xəstəxanada qalmır. Bu gərəkli deyildir. Pasiyent əməliyyatdan sonra hətta qısa müddətlik belə işləmək qabiliyyətlərini itirmirlər. Əməliyyatdan sonrakı dövrdə əsas vacib məsələ həkim müayinəsidir. Müayinə aşağı ətraf varikoz genişlənmiş damar xəstəliyinin müalicəsinin nəticələrini qiymətləndirməyə imkan verir. Həkim müayinəni adətən Rəngli Doppler ilə həyata keçirir. Bəzi hallarda, məhz həkimin özü tərəfindən müayinə icra olunur.